مي سليم: مش قافلة الباب أمام الزواج

كشفت النجمة مي سليم، تفاصيل حياتها العاطفية في الفترة الحالية، وذلك خلال حوارها اليوم ببرنامج "واحد من الناس"، مع الإعلامي عمرو الليثي.

وقالت مي فكرت في الزواج  للمرة التالتة، مش قافلة الباب، يعني فيه ناس يقولوا اللي عملها مرة ميعملهاش تاني، أنا شخص بيتوتي جدًا، وبحب الأسرة أوي، وبحب يكون معايا حد شريك حياتي يكمل معايا حياتي.

حياة مي سليم العاطفية

وتابعت: الفكرة موجودة، وأول ما ابن الحلال يظهر هتلاقوني على طول.. أول جوازة استمرت لمدة سنتين أو سنة ونص، والتانية 10 أيام، والـ 10 أيام كتير وقليلين في نفس الوقت، واحنا الاتنين اخدنا قرار كنا متسرعين فيه.

واضافت: كان نفسي يكون لبنتي لي لي أخ، وليه لا، ونفسي أخلف تاني، وأنا وبنتي صحاب جدًا جدًا، والمرة الجاية لو فكرت اتجوز أكيد هيكون احنا الاتنين بناخد القرار مع بعض، ومفيش حاجة قريب.

وفي الحلقة نفسها، كشفت دانا حمدان أمر غريب عن شقيقتها مي، فقالت: مي مجنونة تليفونات، ولغاية دلوقتي، بتشتري تليفونات وتخليها عندها.
وأكدت مي على كلامها قائلة: “عمري ما امسك تليفون وأرميه، عندي مكان مخصص لما لا يقل عن 50 تليفون، من أول ما مسكت تليفونات، وأي تليفون مسكته معايا لغاية دلوقتي”.

وكانت أخر أعمال الفنانة مي سليم طرح أغنية “احنا كبنات”، من كلمات محمد مصطفى ملك، ألحان: محمود أنور، وتوزيع: محمد مجدي